Lof fá þeir bæjarbúar á Akureyri sem gefa smáfuglunum, segir kona sem hringdi í blaðið. Nú séu mjög stórir hópar farfugla á sveimi, ekki síst skógrþrestir og samkvæmt veðurspánni eru engar líkur á vori strax, snjór og áframhaldandi kuldi í kortunum. „Ég veit að það eru ekki margir sem gefa smáfuglunum reglulega, þeir mættu vera miklu fleiri, en ég hvet fólk til að gefa fuglunum, því það getur skipt sköpum um hvort þeir lifa af eða ekki. Við viljum hafa þessa vini okkar í kringum okkur, þeir sitja í trjám í görðunum okkar og syngja fyrir okkur,“ segir konan…
Last fá hundaeigendur sem hirða ekki upp eftir hundana sína og last fær Akureyrarbær fyrir að fjölga ekki rusladöllum í hverfunum og fjölförnum götum, segir maður sem er nýbúinn að fá sér hund á Akureyri. Hann segir að til dæmis sé bara einn dallur efst í Borgarbrautinni og svo ekkert fyrr en á Glerárgötunni…
Lof fær verslunin Eldhaf sem selur Apple vörur á Glerártorgi, segir maður sem hringdi í blaðið. Búðin sýnir börnum takmarkalausa þolinmæði í samanburði við aðrar búðir að sögn mannsinsbörn fá að prófa tækin í búðinni „alveg vinstri, hægri“ en það er ekki alls staðar þannig, að sögn mannsins…
Last fá þeim sem búa svo um hnútana að Heilsugæslustöðin á Akureyri er í sama húsi og hefur fyllst af orlofsíbúðum sem veldur því að íbúar í orlofsíbúðunum halda bílastæðum gjarnan uppteknum langt fram eftir morgnum, segir karl á Akureyri. Hann segist hissa á að þetta sé leyft. Ef öll bíðastæði í nágrenni heilsugæslustöðvarinnar séu upptekin sé ekki nokkur leið að koma með veika manneskju nálægt heilsugæslunni…
