Jóhann Hauksson, fyrrum forstöðumaður svæðisútvarpa Ríkisútvarpsins, segir að árið 2003 hafi kostnaður við RÚVAK verið nálægt 100 milljónum á ári. Framreiknuð ætti sú upphæð að vera 183 milljónir króna. Þess í stað sé upphæðin lægri en fyrir 10 árum eða 76 millj. króna.
„Þessi starfsemi RÚV á landsbyggðinni er ekki svipur hjá sjón frá því sem var,“ segir Jóhann. „Þetta er meiri og alvarlegri niðurskurður en ég held að greiðendur útvarpsgjaldsins átti sig á.”
Jóhann segist vel muna eftir þegar stöðvarnar á Norðurlandi og Austurlandi framleiddu fyrir um áratug um 250 sjónvarpsfréttir á ári hvor um sig eða sem nemur einni frétt á dag alla virka daga ársins. Hann telur að OHF-un Ríkisútvarpsins hafi leitt til samþjöppunar dagskrárvalds og stefnumótunar sem fari að mestu fram án þess að almannavaldið - sem afli fjár til rekstrarins - geti haft áhrif á stefnuna og framvindu mála. „Áherslur RÚV eru gamaldags og greiðendur útvarpsgjaldsins ættu að leggja orð í belg þessa þróun.“
Sjá nánar bls. 4 í blaði vikunnar
