Það er svo sannarlega komin hefð á að Óskar Pétursson taki á móti landsþekktum listamönnum í Hofi um páskana. Í dag, laugardaginn 30. mars, tekur Óskar á móti eurovisionfaranum Eyþóri Inga Gunnlaugssyni, skemmtikraftinum og söngvaranum Erni Árnasyni, stórsöngvaranum Kristjáni Jóhannssyni, tenórinum Birgi Björnssyni og sönghópnum Fósturlandsins Freyjur en þær eru Halla Jóhannesdóttir, María Vilborg Guðbergsdóttir og Vigdís Garðarsdóttir. Um undirspil sjá Jónas Þórir og Matthías Stefánsson ásamt hljómsveit.
Það má reikna fastlega með því að Óskar og gestir fari út um víðan völl hvort sem um er að ræða grín eða söng enda ekki auðvelt að spá fyrir um hvað gerist þegar leiddir eru saman stórsöngvarann Kristján Jóhannsson og skemmtikrafturinn og söngvarinn Örn Árnason ásamt hinum efnilega söngvara Birgi Björnssyni sem kenndur er við Mannskaðahól í Skagafirði.
Eyþór Ingi mun eflaust blanda sér í hlutina með sinni alþekktu dalvísku hógværð. Norðlensku söngdívurnar í tríóinu Fósturlandsins freyjur munu síðan ramma herlegheitin inn með undurfögrum söng. Söngskemmtun þar sem óbeislaður húmor og léttleiki verður í fyrirrúmi.
Fyrri tónleikarnir hefjast kl. 16 en þeir síðari kl. 20
