Í dag, föstudaginn langa, ætlar JCI að standa fyrir fyrirlestri um framkomu og tjáningu. „Við fáum til okkar Tryggva Frey Elínarson sem er þaulvanur og skemmtilegur fyrirlesari. Hann ætlar að fræða okkur um framkomu og tjáningu. Oft er talað um að í samskiptum felist svo miklu meira en orðin sem við látum út úr okkur. Röddin, líkamsburðurinn og svipbrigði hafa mikil áhrif og réttar áherslur skipta sköpum,“ segir í kynningu um viðburðinn og spurt er hvort ekki sé kominn tími til að læra að koma hlutunum frá sér á réttan hátt?
Fyrirlesturinn hefst kl. 16 og fer fram í Ungmennahúsinu á efstu hæð í Rósenborg, Skólastíg 4. Viðburðurinn er ætlaður fólki á aldrinum 18 til 40 ára og aðgangur er ókeypis en hér er hægt að skrá sig til mætingar.
