„Ef Amma Stella tæki upp á því að bjóða öllum afkomendum sínum á Nýju Bryggjuna þá færi hún langt með að fylla staðinn. Amma Stella er goðsögn í lifanda lífi, að minnsta kosti á meðal afkomendanna sem stefna nú hraðbyri í 200 talsins. Engin afmælisdagur er fullkomnaður fyrr en Amma Stella hefur hringt og sungið afmælissönginn (hún hringdi meira að segja einu sinni í skakkt númer en þá vildi svo skemmtilega til að alls ókunnug konan sem svaraði átti einmitt afmæli).“ Svona segir starfsfólk Bryggjunnar frá Ömmu Stellu sem er ein þeirra sem fengið hefur heiðursstól á nýja veitingastað Bryggjunnar sem opnar á morgun, föstudaginn langa.
„Amma Stella er Akureyringur í húð og hár, alinn upp á Eyrinni og bjó lengst af í innbænum, þar sem þau Afi Nunni ólu upp sinn 14 barna hóp í Lækjargilinu. Amma Stella vann árum saman sem sjúkuraliði á FSA og þar nutu hennar mannkostir sín vel. Hún er hjartahlý, úrræðagóð, hreinskilin og bara í alla staði yndisleg manneskja. Amma Stella er því vel að því komin að fá merktan stól og hlökkum við til að fá hana og alla hennar fylgifiska í heimsókn á Nýju Bryggjuna.“
