Mánudaginn 4. mars verður haldinn fræðslufundur á vegum NPA miðstöðvarinnar og Velferðarráðuneytisins. Fræðslufundurinn er haldinn í tengslum við tilraunaverkefni um notendastýrða persónulega aðstoð. Markmið fræðslunnar er að kynna inntak og þýðingu hugmyndafræði baráttuhreyfinga fatlaðs fólks um sjálfstætt líf og NPA.
Fræðslan miðast einnig að því að kynna reynslu fatlaðra frumkvöðla á Íslandi sem hafa reynslu af notendastýrðri persónulegri aðstoð og munu þeir varpa ljósi á þær leiðir sem þeir hafa farið við skipulag og uppbyggingu eigin aðstoðar, ásamt því að segja frá hvaða þýðingu það hefur að öðlast vald og um leið ábyrgð yfir eigin lífi, frelsi til að móta eigin lífstíl og taka þannig virkan þátt í samfélaginu.
Fyrirlesarar eru þau Aldís Sigurðardóttir, Embla Ágústsdóttir, Freyja Haraldsdóttir, Gísli Björnsson og Vilborg Jóhannsdóttir.
Fræðslufundurinn fer fram í Hofi mánudaginn 4. mars milli kl. 16-20 og er ætlaður fötluðu fólki og aðstandendum þess, ásamt fagfólki og sveitarstjórnarfólki.
