Talningu er lokið hjá Framsýn vegna tveggja kjarasamninga sem félagið á aðild að í gegnum tvö landssambönd, Starfsgreinasamband Íslands og Landssamband íslenskra verslunarmanna. Einnig er talningu lokið hjá Þingiðn, félagi iðnaðarmanna í Þingeyjarsýslum, vegna kjarasamninga Samiðnar og SA.
Skrifað var undir þessa kjarasamninga þann 21. desember 2013.
Samningarnir voru felldir með miklum meirihluta. 92% félagsmanna hafnaði kjarasamningi SGS og SA, 89% félagsmanna hafnaði kjarasamningi LÍV og SA og loks höfnuðu 81% félagsmanna Þingiðnar kjarasamningi Samiðnar og SA.
„Þessi afgerandi niðurstaða staðfestir reiði verkafólks með kjarasamningana.’’ segir Aðalsteinn Baldursson, formaður Framsýnar.
