Þögnin rofin: snjóstríð í miðbænum

10/11/2013 @ 13:07

Háværir háskólanemar í snjóstríði. Mynd: Erna Kristín Kristjánsdóttir

Um þessar mundir dvelur hópur bandarískra háskólanema á Akureyri. Hópurinn kemur frá Washington University í Seattle en ferðin er hluti af mannfræðiáfanga sem nemarnir taka og hafa þau dvalið á Íslandi í rúman mánuð. Flest koma ungmennin úr stórborgum og eftir að hafa ferðast um landið okkar og dvalið á stöðum eins og Vík og Grundafirði finnst þeim eitt af einkennum landsins vera þögnin. Hún var þó rofin eitt fallegt miðvikudagskvöld með snjóstríði í miðbæ Akureyrar.

Hópurinn frá Seattle hefur ferðast þó nokkuð um landið okkar og dvalið í um viku á hverjum stað. Þau byrjuðu í Reykjavík, fóru svo til Víkur, þaðan í Grundafjörð og Borganes og nú síðast hingað til Akureyrar. Hér munu háskólanemarnir dvelja í mánuð. Síðan verður haldið aftur til Reykjavíkur þar sem nemendur klára verkefnin sem þeir eru að vinna og ljúka ferð sinni um Ísland.

Blaðamanni þótti fróðlegt að vita hvað bandarísku háskólanemunum þætti eftirtektaverðast við Ísland. Það stóð ekki á þessum hefðbundnu svörum um fallegt landslag og furðulegt veður, en þegar nánar var spurt kom margt á daginn. Tvær stúlknanna, þær Linda og Monea, töluðu um þögnina. Það væri svo hljóðlátt og fáir á ferli. Hinir í hópnum tóku undir þetta. Hér heyrist mjög sjaldan í sírenum og á smæstu stöðunum sést varla fólk. Þær tölu meira segja um að ljósin væru jafnvel slökkt í húsunum og líktu minnstu stöðunum við draugabæi. Monea talaði um hvað henni þætt furðulegt að börnin séu látin sofa úti í vögnum og ekki bara það heldur eru þau skilin eftir fyrir utan búðir og kaffihús og það er ekkert tiltöku mál. Hún sagði að ef þetta væri gert í Bandaríkjunum yrðu börnin tekin af foreldrunum eða þeim yrði stolið. Það var ýmislegt fleira sem kom henni á óvart eins og fjöldi erlendra skiptinema við Háskólann á Akureyri og hvað þeir kæmu víða að. Hún sagðist ekki hafa búist við því að hér væru erlendir nemendur. Þá þótti henni einnig fyrirkomulagið í sundlaugunum furðulegt. Hún var ekki alveg að sætta sig við það að fólk fari saman í sturtu og að það þurfi að þvo sér nakið innan um ókunnuga áður en farið er í út í laug.

Blaðamanni var ofarlega í huga þessi umræða um þögnina og var sammála því að minni staðirnir á landinu væru helst til þögulir á stundum. En gat þó ekki tekið undir það að Akureyri væri það líka. En glöggt er gests augað og eflaust mikið til í þessu hjá unga fólkinu. Það gladdi því umræddan blaðamann þegar hann átti leið af kaffihúsi, um klukkan hálf ellefu á fallegu vetrarkvöldi, að sjá stóran hóp af bandarískum háskólanemum í snjóstríði í miðbæ Akureyrar. Ungmennin skemmtu sér konunglega og nutu nýfallins snjósins til hins ýtrasta með tilheyrandi skrækjum og köllum. Það má því með sanni segja að þetta kvöld hafi þögnin verið rofin.

-Erna Kristín Kristjánsdóttir
Nemi í fjölmiðlafræði við Háskólann á Akureyri og blaðamaður á Landpóstinum

Þögnin rofin: snjóstríð í miðbænum

MAFAMA á Backpackers

Ásgerður sigraði ræðukeppni á ensku

Strætó valt á Húsavík - kalla þurfti út snjóruðningstæki til að opna Víkurskarðið

Mikill áhugi á Hjallastefnugrunnskóla á Akureyri

Bloodgroup og Nolem í Hofi

Verðlagshækkanir ögrun við íslenskt launafólk

Síðustu hálfvitatónleikar vetrarins

Að bulla með valdi

Saga Travel hlaut nýsköpunarverðlaun SAF 2013

Þrýst á um endurbætur á Kjalvegi

Einar Mikael býður frítt á sýningu og námskeið

Launagreiðslur FSA yfir áætlun

Tíminn og barnið

Almenningur á heilbrigðisþjónustuna

ÚA hagnaðist um 1,4 milljarða