Við íslendingar erum þekktir fyrir að vera dugleg þjóð og má nefna sem dæmi að orðið “duglegur” er ekki til í rómönskum málum eins og ítölsku og frönsku. Ef eitthvað er þá eigum við það kannski til að vera helst til vinnusöm. Þetta getur á löngum tíma orðið til þess að við hættum að kunna að slaka á og njóta lífsins og verður jafnvel að þunglyndi, síþreytu eða öðrum streitutengdum sjúkdómum ef ekki er varlega farið. Þess vegna ætti það ekki að koma á óvart að vaxandi áhugi er fyrir ýmsum leiðum til að læra að slaka á, losa um spennu og finna aukinn tilgang með tilvist sinni. Jóga í ýmsum myndum hefur notið vaxandi vinsælda og þar er svo sannarlega um auðugan garð að gresja. Margar tegundir af jóga eru í boði. Kundalini jóga er form af jóga sem var áður lítt þekkt af almenningi, var aðeins kennt fáum útvöldum og yfir því hvíldi alltaf ákveðin leynd. Það var Kundalini-meistarinn Yogi Bhajan sem færði vesturlandabúum Kundalini jóga.
Kundalini jóga er stundum kallað móðir allrar jógaiðkunar. Þetta er aldagamald form af jóga og býður upp á mjög virkar leiðir til að takast á við álag nútímans. Það er mjög “dýnamískt” – æfingarnar byggja á hreyfingu, takti og kröftugri öndun og eru bæði ætlaðar til að styrkja líkamann, gera hann sveigjanlegri og skapa innra jafnvægi – í taugakerfi, innkirtlakerfi og ónæmiskerfi. Hugurinn fær tæki til að samsama sig með því æðsta í okkur manneskjunum, auka sköpunarkraftinn og öðlast innri kyrrð. Um leið og líkaminn verður sterkur, hæfur, tignarlegur og sveigjanlegur verður hugurinn það líka.
Streita er algengasta dánarorsökin á Vesturlöndum,samkvæmt niðurstöðu fjölda rannsókna. Við sem samfélag höfum tilhneigingu til að keyra okkur áfram án þess að hlusta á merkin, til þess að gleyma líkamanum á kostnað hugans og án þess að taka eftir því verðum við yfirspennt. Svo förum við að reyna að deyfa okkur niður, til dæmis með því að horfa á sjónvarp eða fá okkur í glas. Þetta er eins og að keyra með annan fótinn á bensíninu og hinn á bremsunni ef við líkjum vélinni við hjartað og nýrnahetturnar. Við höfum í vaxandi mæli þörf fyrir að læra virkar leiðir til að takast á við streitu og álag og að læra að hlusta á líkamann áður en við erum komin langt fram úr okkur sjálfum.
“Alger samstillt slökun læknar líkamann” er haft eftir Yogi Bhajan. Jóga þýðir að sameina – við lærum að tengja saman líkama, huga og sál og leyfa þannig öllum hlutum okkar að blómstra og þá slaknar á innri spennu. Þetta er mjög mikilvægt – sérstaklega í nútímasamfélagi þar sem hraðinn verður oft til þess að við missum sambandið við okkar innri mann – og sálina okkar sem nærir og gefur lífi okkar tilgang. Því “Andi okkar er sterkari en líkaminn” - ef við ræktum hann.
einu að meðhöndla einkennin; taka inn róandi lyf, drekka áfengi, reykja, borða eða horfa á sjónvarpið. Í framhaldinu þurfum við að fá örvun,eins og kaffi eða sykur til að bæta upp orkumissinn eða til að vekja okkur upp af dvalanum. Þetta er eins og að keyra með annan fótinn á bensíninu og hinn á bremsunni, ef við líkjum vélinni við hjartað og nýrnahetturnar. Önnur leið til að höndla streitu er að leita til sálfræðinga og ráðgjafa, stundum lærir fólk slökun og leiðir til að breyta um lífsstíl. Þessar leiðir eiga vissulega rétt á sér og geta fleytt okkur langt en það sem enn vantar upp á er að líta á manneskjuna sem heild, finna innra með okkur hvað liggur undir streituviðbrögðum og taka með í reikninginn að við erum meira en líkami og hugur
Það byggir á vísindalegri tækni sem meðtekur andlega náttúru mannsins og hæfileika hans til að ná fram því besta sem hann býr yfir. Kundalini jóga og kundalini hugleiðsla taka m.a. á þeim þáttum sem valda streitu, gefa líkamanum vöðva- og taugastyrk og sveigjanleika til að takast á við hana og skara fram úr í hinum efnislega heimi. Að auki gefa þau huganum tæki til að samsama sig með því Guðlega, auka sköpunarkraftinn, öðlast æðruleysi og njóta lífsins.
Það var kennarinn Yogi Bhajan sem færði Vesturlandabúum Kundalini jóga fyrst og þróaði mjög markvisst kerfi sem þjónar hinum venjulega manni. Þetta form af jóga nýtur vaxandi vinsælda. Það er bæði mjög dýnamískt – hreyfing, taktur og kröftug öndun eru lýsandi fyrir þetta form af kundalini jóga og svo er alltaf mikil áhersla á andlega þáttinn líka. Kundalini jóga eftir forskrift Yogi Bhajan er fyrst og fremst leið til að koma jafnvægi á alla innri starfsemi, eins og innkirtlakerfi, taugakerfi og meltingu. Og til að styrkja bæði líkama og huga svo við getum betur tekist á við þau verkefni sem lífið lætur okkur í té. Kundalini þýðir “lokkur úr hári hins heittelskaða” og er líkingamál sem minnir okkur á að Guð eða frumkraftur alheimsins býr í okkur öllum. Allir sem hafa einhvern tíma upplifað einhvers konar andlega upplyftingu, hvort sem það er í kirkju , í hugleiðslu eða við aðra andlega iðkun, hafa fundið kundalini orkuna sína lyftast upp.
Fyrir venjulegt fólk
Kundalini jóga eins og Yogi Bhajan kenndi það er hugsað fyrir venjulegt fjölskyldufólk sem vinnur sína vinnu og vill auk þess lyfta vitund sinni. Við getum lært að þróa hlutlausa hugann svo við getum betur tekist á við lífið, vinnuna okkar, samskipti við aðra og tekið skýrari afstöðu til þess hvernig við viljum að samfélagið sem við búum í sé. Hugmyndin er að við þurfum ekki að loka okkur frá umheiminum til þess að stunda andlega rækt. Áherslan er á að rækta alla þætti mannsins. Það er alltaf kennt í “kríum” eða seríum af æfingum sem hafa mjög markviss áhrif. Þær koma jafnvægi á innkirtlakerfi líkamans og þarmeð hormónakerfið, halda okkur í formi, veita þá útrás sem við þurfum þegar taugarnar eru trekktar. Hugleiðsla í kundalini jóga er mjög aðgengileg fyrir þá sem eru ekki vanir að hugleiða. Æfingarnar eru til þess ætlaðar að koma jafnvægi á alla líkamsstarfssemi til að lífsorkan geti flætt óhindruð um líkamann, til að við náum að blómstra sem manneskjur og vakna til vitundar um okkur sjálf sem manneskjur og sem andlegar verur.
Að vera vakandi
Kundalini þýðir í raun meðvitund. Að vera vakandi. Og kundalini orkan okkar er alltaf á hreyfingu, hvort sem við stundum jóga eða ekki. Við getum í gegn um æfingakerfi kundalini jóga lært að halda meðvitund, þrátt fyrir allt áreiti samfélagsins.
Guðrún Darshan
