KA lék gegn Grindavík í síðustu umferð 1. deildar karla í knattspyrnu í dag og þurfti að láta í minni pokann. Leikið var á Grindavíkurvelli og var niðurstaðan 2-1 fyrir heimamenn. Grindvíkingar áttu möguleikann á því að fara upp um deild, en til þess að það myndi ganga eftir þurftu annaðhvort Fjölnir eða Víkingur að tapa stigum og þeir að vinna.
Grindvíkingar gerðu sitt og skoraði Juraj Grizelj tvívegis fyrir þá áður en Orri Gústafsson skoraði fyrir KA. KA lék án Atla Sveins Þórarinssonar í þessum leik en hann tók út leikbann. Lokastaðan í deildinni hjá KA: 6. sæti og Grindvíkingar enduðu í því þriðja. Sumarið hlýtur því að teljast ákveðin vonbrigði hjá KA en þeim var spáð upp um deild. Þeir unnu 9 af 22 leikjum í sumar og voru 10 stigum frá því að komast upp.
Fjölnir og Víkingur munu leika í Pepsi-deildinni á næstu leiktíð.
-SMS
siguroli@akv.is
