Ferðamenn í norðuljósaferð. Mynd frá Saga-Travel
25 nemendur þreyta nú inntökupróf fyrir leiðsögunám hjá Símenntun Háskólans á Akureyri en fyrirhugað er að námið hefjist á Akureyri í haust.
„Námið hefur verið í undirbúningi í samstarfi Símenntunar Háskólans á Akureyri, Leiðsöguskólans á Akureyri og Samtaka ferðaþjónustunnar um skeið og er því mjög ánægjulegt að næg þátttaka hafi náðst þar sem mikil þörf er fyrir aukinn fjölda leiðsögumanna á Akureyri með tilkomu aukins ferðamannastraums á öllu Norðurlandi og fjölda ferða sem farnar eru þaðan allan ársins hring,“ segir í fréttabréfi Samtaka ferðaþjónustunnar.
