mynd úr safni
Eldur kom upp í verksmiðju Becromal um klukkan 2 í nótt. Mikinn reyk lagði frá verksmiðjunni þegar Slökkvilið kom á vettvang. Vel gekk að slökkva eldinn sem hafði kviknaði í vélum inn í einum verksmiðjusalnum.
Slökkvistarf tók um 30 mínútur. Um 20 starfsmenn voru við vinnu þegar eldsins varð vart og komust þeir allir út án vandkvæða. Húsið er einnig nánast óskemmt eftir eldinn. Í tilkynningu Slökkviliðsins á Akureyri kemur fram að viðbrögð starfsfólks Becromal hafi verið hárrétt og til fyrirmyndar. Öll viðbrögð þeirra hafi verið samkvæmt skipulagi og safnaðist starfsfólk saman á fyrirfram ákveðnu svæði.
