Ráðhúsið á Akureyri. Mynd: akureyri.is
Bæjarráð Akureyrarkaupsstaðar hittist á fundi í morgun. Þar var rætt um atvinnumál í Hrísey. Eins og akv.is greindi frá í gær var 13 starfsmönnum sagt upp í landvinnslu í eynni í gær.
Bæjarráð bókar á fundinum eftirfarandi:
„Bæjarráð Akureyrar lýsir yfir þungum áhyggjum af því ótrygga atvinnuástandi sem íbúar Hríseyjar búa við. Mikilvægt er að grípa til bráðaaðgerða til að bregðast við því áfalli að Útgerðarfélagið Hvammur hafi sagt upp öllu sínu starfsfólki. Þá er afar brýnt að halda áfram markvissri vinnu til að tryggja blómlegt mannlíf í eynni til lengri tíma litið.“
Ekki er tilgreint nákvæmlega hverjar bráðaaðgerðirnar eru eða hverjir eigi að grípa til þeirra. 13 starfsmenn eru á við 1350 starfsmenn á Akureyri eða um 15000 starfsmenn í Reykjavík sé fjöldinn settur í samhengi við íbúafjöldann í Hrísey.
Jóhann P. Jóhannsson, einn eigandi Hvamms, sagði í samtali við akv.is í gær að ekki væri hægt að reka fyrirtækið í núverandi mynd við þessar aðstæður. Því hafi þurft að grípa til þessara leiðar.
