Snjóbretta- og tónlistarhátíðin AK Extreme hefst á fimmtudaginn en stærsti viðburður hátíðarinnar er svokölluð Big Jump keppni sem fram fer í Gilinu á laugardagskvöldið. Þar keppa fremstu snjóbrettakempur landsins um flottasta stökkið af risastökkpalli sem nú er verið að vinna að því að setja upp í Gilinu.
Næstu dagana verða keppendur kynntir á Facebooksíðu AK Extreme og hér á akv.is. Kynntir verða fimm keppendur á dag og hér eru fyrstu fimm:
Otti er búin að rústa parkinu í hlíðarfjalli í allan vetur og hefur verið með stífar æfingar síðustu vikur fyrir Ak-X og við höfum áreiðanlegar heimildir fyrir þvi að hann ætli sér stóra hluti í ár. Við hjá Ak-X erum mjög spenntir fyrir þessum keppenda og er það ekki af ástæðulausu!
Hákon er einn af þessum sem aldrei er leiðinlegt að fylgjast með í í fjallinu að renna sér.. Hann er með afslappaðan stíl og lætur oft erfiðustu stökkinn líta út fyrir að vera ekki neitt! Þessi maður er líklegur til alls á Ak X svo fylgist þið vel með honum
Árni Ingi hefur tekið þátt á öllum Ak Extreme mótum fra upphafi og nokkrum sinnum komist á pall. Þetta er einn mesti reynsluboltinn á Ak X í ár og hefur hann fengið það skemmtilega verkefni að vera sá sem fer fyrstur á pallinn til að prufa. Þetta er hefð sem hann hefur haldið í alla tíð og svo er hann nú ekki ómyndarlegur heldur… stelpur hann er á lausu skilst okkur..
Hafþór eða Haffi grant eins og við hin þekkjum hann líður sennilega betur í loftinu með æðar fullar af adrenalíni heldur en við hin. Hann hendir niður backflippum á krossara, 30 metra stökkum á vélsleða og double backflipps á snjóbrettum. Hann virðist ekki vera hræddur við hlutinu því í fyrra tók hann sitt allra fyrsta stökk á pallinum og ákvað að skella sér í eitt backflip bara svona til að „prufa“ pallinn. Það verður mjög spennandi að sjá hvað Haffi kemur með í ár!
Hann Matti eins og hann er oftast kallaður af vinum er engin nýgræðingur þegar kemur að Ak X gáma stökkinu. Í fyrra var hann alveg við það að lenda nokkur double flip sem var sigurstökkið hjá dagbjarti í fyrra. Það vantaði aðeins upp á lendinguna hjá honum í fyrra en samkvæmt heimildum er hann búin að vera æfa sig í ár og er til alls líklegur! Hlökkum mikið til að fylgjast með honum á næsta laugardag.
