Listamenn Berjadaga
Tónlistarhátíðin Berjadagar hefst á morgun, föstudag, á Ólafsfirði.
Hátíðin hefst kl. 11 á dvalarheimilinu Hornbrekku þar sem börn af leikskólum í Fjallabyggð syngja lög úr safni Ómars Ragnarssonar undir yfirskriftinni „Skemmtileg lög og vísur“. Klukkan 20:30 um kvöldið hefjast svo upphafstónleikar Berjadaga í Ólafsfjarðarkirkju en þar mun Brasskvintett Berjadaga flytja verk eftir Hróðmar I. Sigurbjörnsson, Hildigunni Rúnarsdóttur,Tryggva Baldvinsson, Páll Pampicler Pálsson og Victor Evald. Brasshópinn skipa Steinar Matthías Kristinsson trompet, Óðinn Melsteð trompet, Sigurbjörn Ari Hróðmarsson básúna, Ingibjörg Guðlaugsdóttir básúna, Halldór Bjarki Arnarson horn og Roine Hultgrein túba.
Á laugardaginn opna listamenn bæjarins vinnustofur sínar frá kl. 14 – 16:30. Vinnustofurnar eru:
- Garún, vinnustofa Aðalgötu gegnt apótekinu
- Hófí, vinnustofa Burstabrekkueyri
- Kristjana og Rut, Litla vinnust. v/Ægisgötu
- Kristín R. Trampe í gamla apótekinu við Aðalgötu.
Klukkan 16 hefjast tónleikar þar sem Kammerhópur Berjadaga flytur það sem þær kalla Íslenska fagursmíði – ljóð og lög eftir íslenskar konur. Flytjendur eru Margrét Hrafnsdóttir sópran, Sigrún Valgerður Gestsdóttir sópran, Ave Kara Tonisson harmonikuleikari, Diljá Sigursveinsdóttir fiðluleikari, Ingibjörg Guðlaugsdóttir tónskáld og básúnuleikari og Ólöf Sigursveinsdóttir sellóleikari.
Sunnudagurinn hefst með tónlistarmessu í Ólafsfjarðarkirkju kl. 11. Þar verður tónlistarflutningur í umsjón Kirkjukórs og organista Ólafsfjarðarkirkju og Brasshóps Berjadaga en prestur Sr. Sigríður Munda Jónsdóttir.
Klukkan 16 hefst síðdegisstund með listamönnum Berjadaga á dvalarheimilinu Hornbrekku.
Að lokum munu listamenn Berjadaga og danshópurinn Pípóla people sameina krafta sína og slá á létta strengi í Tjarnarborg. Viðburðurinn hefst kl. 20:30. Danshópuinn Pípóla people skipa skipa fimm nemendum á aldrinum 17-19 ára úr framhaldsdeild Listdansskóla Íslands: Ellen Kristjánsdóttir, Karl Friðrik Hjaltason, Kolbeinn Ingi Björnsson, Sigríður Ólöf Valdimarsdóttir og Tryggvi Geir Torfason.
